Abibinyansa Fie

Abibifahodie Adesuabea yɛ baabi a yɛkyerɛ abibinyansa wɔ abibikasa mu.

Yɛn adwene ne sɛ, sɛ yɛpɛ Abibifahodie ampa a, ɛgyina yɛn ara so.

Yei nti na yɛyɛɛ adwene sɛ yɛbɛtu saa anammɔn yi ama yɛakyerɛ yɛn ankasa mma deɛ yɛnim sɛ ɛbɛsom boɔ ama wɔn ankasa ɛne Abibiman nyinaa.

Bosome yi

x
Akyerɛkyerɛfoɔ Afoforɔ
x
Asuafoɔ Afoforɔ

Nnawɔtwe yi

...wonnyae no nkɔka mmɔfra kasa. Onipa wu na ne tɛkrɛma mporɔɔ no, na ɛfiri ɔkra-teasefoɔ. Barima bɛyɛɛ bi na wammɛyɛ ne nyinaa. Yɛn Nananom ayɛ bi. Afei, berɛ aso sɛ yɛn nso, yɛbɛyɛ bi ɛde atoa soɔ.
Yɛn ani so adehunu ne sɛ yɛpɛ Abibifahodie ma Abibifoɔ wɔ Abibiwiase nyinaa. Yei nti na yɛaboaboa yɛn ho wɔ Abibifahodie Adesuabea. Adwumaden akyi na siadeɛ wɔ hɔ.
...yɛtase no banyansafoɔ." Nea ɔnim nsaa nso na ɔtɔ n'ago. Wonim sɛ Abibifahodie Adesuabea yɛ adepa a, bra bɛka yɛn ho.
Adesua

Adesua a Ɛma Nkwa

Adesua a aba wɔ mu a daakye bi, ɛbɛsi wo ba no yie.

Sɛ yɛhwɛ sɛdeɛ adesua wɔ Gaana teɛ saa berɛ yi, wobɛhunu sɛ asuafoɔ sua nnoɔma pii fa aborɔfoɔ ho nanso basaasia pɛ na wɔsua deɛ ɛfa Abibifoɔ abakɔsɛm ne abibinyansa.

Yei nti na yɛyɛ adwene sɛ ɛhia pa ara sɛ yɛkyerɛ yɛn mma no wɔ fie. Ɛberɛ a amanfoɔ nso nyaa atenka bi sɛ deɛ yɛreyɛ no som boɔ pa ara no na wɔhyɛɛ yɛn nkuran sɛ yɛmmue adesuabea yi mma obiara a ɔpɛ ne ba no yiedie.

Kan deɛ aka no...
Adesua a Ɛma Nkwa

Abibitumi Wɔ Mu!

Nananom se "Nkrabea no yi ne ho adi pefee wɔ abrabɔ mu." Ɛha na wo mma bɛnya akwannya sɛ wɔbɛhunu adiyisɛm a ɛbɛboa wɔn wɔ wɔn abrabɔ kwan so.

Abɔdeɛ mu Nyansapɛ

Adesua a Ɛsom Boɔ

Abibifoɔ de Abɔdeɛ mu Nyansapɛ ho nimdeɛ baa wiase.

Nnansa yi, obiara redi abɔdeɛ mu nyansapɛ akyi, nanso nnipa dodoɔ sɛn na wɔnya nteaseɛ sɛ yɛn Abibifoɔ na yɛde Abɔdeɛ mu Nyansapɛ baa wiase kane?

Saa nimdeɛ yi na ɛhyɛ asuafoɔ nkuran sɛ wɔn nso wɔtumi sua bi ɛfiri sɛ na ɛyɛ wɔn Nananom na wɔde nimdeɛ yi brɛɛ wiase sɛ adom akyɛdeɛ ɛde maa nkyirimma. Nkwa fie ne ha. Nkyirimma ne yɛn. Ma yɛnsua bi mfa mmoa Abibiman.

Kan deɛ aka no...
Adesua a Ɛsom Boɔ

Abibinyansa wɔ mu!

Yɛn akyerɛkyerɛfoɔ ne akyerɛkyerɛfoɔ-aboafoɔ yɛ nnipa pa a wɔsane yɛ akwankyerɛfoɔ a wɔwɔ Abibiman ho dɔ. Fa wo mma hyɛ yɛn nsa hwɛ sɛnea wɔsi bɛtu mpon seesei ara!

Ahiasɛm

Adesua a Ɛho Hia

"Deɛ woyɛ ma wo ho gyina deɛ wodwene fa wo ho; deɛ wodwene fa wo ho gyina deɛ wonim fa wo ho; ɛna, deɛ wonim fa wo ho gyina deɛ yɛaka akyerɛ wo afa wo ho." - Runoko Rashidi

Ɛberɛ a yɛhwɛ sɛnea Abibiwiase si teɛ fa, ɛyɛ awerɛhoɔ pa ara. Yɛbɛkanyane yɛn ho a, nyinaa gyina yɛn nimdeɛ soɔ. Sɛ yɛpɛ nneyɛɛ pa a, yɛbɛhia nimdeɛ a ɛsɛ ɛfata ansa.

Biribiara wɔ nsunsuansoɔ. Sɛdeɛ Abibiwiase si teɛ saa berɛ yi, ɛyɛ, sɛbe, yɛn kwasea nsunsuansoɔ. Wobisa obibini a, ɔbɛbɔ aborɔfoɔ aduonum (50) din aka wɔn ho nsɛm akyerɛ wo. Wobisa no fa n'ankasa ne nananom ho a, ɔbɛhwɛ wo kwansini bi. Ɛnni sɛ ɛte saa. Ɛberɛ a yɛnim deɛ yɛayɛ pɛn no, saa berɛ na yɛbɛhunu deɛ yɛtumi yɛ saa berɛ yi ne daakye!

Kan deɛ aka no...
Adesua a Ɛho Hia

Abibifahodie wɔ mu!

Nkoasom toɔ atwa. Gye sɛ yɛnya sɛnkyerɛnneɛ a ɛkyerɛ saa wɔ yɛn nnesua mu. Saa sɛnkyerɛnneɛ no na ɛyɛ Abibifahodie Adesuabea!